કચ્છી ભાષા

કચ્છી
કચ્છી / ڪڇي/ کچھی
ના માટે મૂળ ભાષા	ભારત, પાકિસ્તાન, ટ્રિનિડાડ અને ટોબેગો, યુનાઇટેડ કિંગડમ, યુનાઇટેડ સ્ટેટ્સ, માલાવી, મોઝામ્બિક, દક્ષિણ આફ્રિકા, પોર્ટુગલ, યુનાઇટેડ આરબ અમીરાત, કેનિયા, યુગાન્ડા, ટાંઝાનિયા.
સ્થાનિક વક્તાઓ
ભાષા કુળ	ઇન્ડો-યુરોપિયન ઇન્ડો-ઇરાનિયન ઇન્ડો-આર્યન ઉત્તરપશ્ચિમ વિસ્તાર સિંધી કચ્છી
લખાણ પદ્ધતિ	ખોજિકી લિપી, દેવનાગરી લિપી, ગુજરાતી લિપી
ભાષાકીય કોડ
ISO 639-3	kfr
ગ્લોટ્ટોલોગ	kach1277

કચ્છી ભાષા ગુજરાતનાં કચ્છ જિલ્લામાં બોલાતી ભાષા છે.

કચ્છી ભાષા એ ઇન્ડો-આર્યન ભાષા સમુહની જ ભાષા છે, જેમાં મોટા ભાગની ભારતીય ભાષાઓનો સમાવેશ થાય છે. એક અંદાજ પ્રમાણે ફક્ત ભારતમાં જ ૮,૭૩,૦૦૦ લોકો કચ્છી ભાષા બોલે છે. કચ્છી, પાકિસ્તાનનાં સિંધ પ્રાંતમાં પણ બોલાય છે અને સિંધી ભાષા સાથે ઘણું સામ્ય ધરાવે છે. કચ્છનો સબંધ ગુજરાત સાથે હોવાથી પ્રાથમિક શાળાઓમાં ગુજરાતી માધ્યમમાં શિક્ષણ આપવામાં આવે છે, કારણ કે કચ્છી ભાષાની પોતાની લીપિ નથી. આ કચ્છી ભાષા કચ્છ સિવાય મુંબઇ અને અન્ય ઘણી જગ્યાએ બોલાય છે. અબડાસા, માંડવી અને ભુજના લોકો બોલે છે, એનાં કરતા ભચાઉ અને રાપરના લોકો જરાક અલગ રીતે બોલે છે. કારણ કે, ભચાઉ અને રાપરના લોકોની બોલીમાં ગુજરાતી છાંટ વધુ દેખાય છે.

ઘણી વખત કચ્છી ભાષાને બોલી સમજવામાં આવે છે, પરંતુ, કચ્છી ભારતની અધિકૃત ભાષાઓ પૈકીની એક છે, અને તેને બોલી નહી પણ ભાષાનો દરજ્જો આપવામાં આવેલો છે.

"કેમ છો?" માટે કચ્છીમાં "કીં અયો" બોલાય છે, તથા બહેન માટે કચ્છી ભાષામાં 'ભેણ' શબ્દ છે.

જાણીતા કચ્છી ભાષી

• યુસુફ મેહરઅલી - સ્વાતંત્ર્ય સેનાની.
• ફહેમીદા મિર્ઝા - પાકિસ્તાનની રાષ્ટ્રીય સંસદના પ્રથમ મહિલા સભાપતિ.
• કલ્યાણજી-આણંદજી - જાણીતી સંગીતકાર જોડી.
• વૈભવી મર્ચંટ - બોલીવુડ નૃત્ય દિગ્દર્શક.
• બાબલા- ડીસ્કો ડાંડીયા શરૂ કરનાર.
• વીજુ શાહ - સંગીતકાર.

આ પણ જુઓ

• કચ્છી વિકિપીડિયા