અરવલ્લી જિલ્લો

અરવલ્લી જિલ્લો
જિલ્લો
ગુજરાતમાં જિલ્લાનું સ્થાન
અક્ષાંશ-રેખાંશ: 24.0283°N 73.0414°E / 24.0283; 73.0414
મુખ્યમથક	મોડાસા
સ્થાપના	૧૫ ઓગસ્ટ ૨૦૧૩
નામકરણ	અરવલ્લી
વિસ્તાર
• કુલ	૩,૩૦૮ km2 (૧૨૭૭ sq mi)
વસ્તી  (૨૦૧૧)
• કુલ	૯,૦૮,૭૯૭
વેબસાઇટ	arvalli.gujarat.gov.in

અરવલ્લી જિલ્લો ગુજરાત રાજ્યના ઉત્તર ભાગમાં આવેલો જિલ્લો છે, જેની રચના ૨૬ જાન્યુઆરી ૨૦૧૩ના રોજ સાબરકાંઠા જિલ્લાનું વિભાજન કરીને કરાઇ હતી. અરવલ્લી જિલ્લાનું વહીવટી મુખ્યમથક મોડાસા છે.

નામ

આ જિલ્લાનું નામ ગુજરાત અને રાજસ્થાનમાં આવેલી અરવલ્લી પર્વતમાળા પરથી પડ્યું છે. અરવલ્લીની આરાસુર પર્વતમાળા શાખા બનાસકાંઠા જિલ્લાના દાંતા, મોડાસા અને શામળાજી પ્રદેશોમાંથી પસાર થાય છે.

ઇતિહાસ

૨૬ જાન્યુઆરી ૨૦૧૩ના રોજ ગુજરાત સરકાર દ્વારા નવા રચવામાં આવેલા ૭ જિલ્લાઓમાંનો આ એક જિલ્લો હતો. અરવલ્લી જિલ્લો ૧૫ ઓગસ્ટ ૨૦૧૩ ના દિવસથી રાજ્યના ર૯મા જિલ્લા તરીકે અસ્તિત્વમાં આવ્યો. અરવલ્લી જિલ્લામાં ભિલોડા, મોડાસા, મેઘરજ, માલપુર, ધનસુરા અને બાયડ તાલુકાઓનો સમાવેશ થયો હતો.

જિલ્લાની રચનાની ઘોષણા ૨૦૧૨ની ગુજરાત ચૂંટણી પહેલા કરવામાં આવી હતી.

ભૂગોળ અને વસ્તી

અરવલ્લી જિલ્લો મોડાસા, માલપુર, ધનસુરા, મેઘરજ, ભિલોડા અને બાયડ તાલુકાઓનો સમાવેશ કરે છે. આમાંથી મેઘરજ, માલપુર અને ભિલોડા તાલુકાઓમાં આદિવાસી વસ્તી બહુમતીમાં છે. આ જિલ્લો ૬૭૬ ગામો અને ૩૦૬ ગ્રામ પંચાયતોનો સમાવેશ કરે છે અને કુલ વસતી ૧૨.૭ લાખની છે. આ જિલ્લો ગુજરાતમાં સૌથી વધુ સાક્ષરતા ધરાવતો આદિવાસી જિલ્લો છે.

તાલુકાઓ

• મોડાસા તાલુકો
• માલપુર તાલુકો
• ધનસુરા તાલુકો
• ભિલોડા તાલુકો
• બાયડ તાલુકો
• મેઘરજ તાલુકો

નદીઓ

• વાત્રક
• મેશ્વો
• માઝમ નદી

આ પણ જુઓ

• આંબલિયારા રજવાડું

બાહ્ય કડીઓ

• અરવલ્લી જિલ્લાની અધિકૃત વેબસાઇટ
• અરવલ્લી જિલ્લો - ગુજરાત સરકારની અધિકૃત વેબસાઇટ સંગ્રહિત ૨૦૨૦-૦૫-૦૨ ના રોજ વેબેક મશિન