બોટાદ જિલ્લો

બોટાદ જિલ્લો
જિલ્લો
ગુજરાતમાં સ્થાન પાણવી ,તા રાણપુર ,જી ,બોટાદ
દેશ	ભારત
રાજ્ય	ગુજરાત
વસ્તી  (૨૦૧૧)
• કુલ	૬,૫૨,૦૦૦
ભાષાઓ
• અધિકૃત	ગુજરાતી, હિંદી
સમય વિસ્તાર	UTC+૫:૩૦ (IST)
વેબસાઇટ	botad.gujarat.gov.in

બોટાદ જિલ્લો એ ગુજરાતનો એક જિલ્લો છે. બોટાદ તેનું મુખ્યમથક છે. બોટાદ જિલ્લો હીરા ઉદ્યોગ માટે પ્રખ્યાત છે.

સ્થાપના

બોટાદ જિલ્લાની રચનાની જાહેરાત ગુજરાતના તત્કાલિન મુખ્યમંત્રી નરેન્દ્ર મોદીએ સ્વામી વિવેકાનંદ વિકાસ યાત્રા અંતર્ગત ૨૩ સપ્ટેમ્બર ૨૦૧૨ના રોજ કરી હતી. બોટાદ જિલ્લાની રચના અમદાવાદ અને ભાવનગર જિલ્લામાંથી બે-બે તાલુકા છૂટા પાડીને કરવામાં આવી છે. ભાવનગર જિલ્લાના ગઢડા અને બોટાદ તાલુકાઓ તથા અમદાવાદ જિલ્લાના બરવાળા અને રાણપુર તાલુકાઓને આ નવા બોટાદ જિલ્લામાં સ્થાન મળ્યું.

બોટાદ જિલ્લો વહિવટી દૃષ્ટિએ ૨ પ્રાંત અને ૪ તાલુકામાં વહેંચાયેલો છે અને જિલ્લામાં ૩ નગરપાલિકાઓ આવેલી છે.

ભૂગોળ

ભૌગોલિક દ્રષ્ટીએ બોટાદ જિલ્લાની ઉત્તરમાં સુરેન્દ્રનગર જિલ્લો, પશ્ચિમે રાજકોટ જિલ્લો, દક્ષિણમાં ભાવનગર અને અમરેલી જિલ્લા તથા પૂર્વે અમદાવાદ જિલ્લો આવેલા છે. સુકભાદર નદી બોટાદ જિલ્લાની ઉત્તરી સરહદે રાણપુર તાલુકામાં વહે છે. કાળુભાર નદી બોટાદ જિલ્લાની દક્ષિણ છેડે ગઢડા તાલુકામાં વહે છે. જિલ્લો ૭૧ પૂર્વ અક્ષાંક્ષવૃત અને ૨૨ ઉત્તરીય અક્ષાંક્ષવૃત અને ૪૨ પૂર્વ રેખાંશવૃત થી ૧૦ ઉત્તરીય રેખાંશવૃત વચ્ચે આવેલો છે.

તાલુકાઓ

• ગઢડા
• બરવાળા
• બોટાદ
• રાણપુર

જોવાલાયક સ્થળો

1. અંબાજી મંદિર (ગામ દેવી)
2. વરીયાદેવી
3. મોક્ષ મંદિર
4. વિસામણ બાપુની જગ્યા, પાળિયાદ
5. હનુમાન મંદિર, સાળંગપુર
6. અક્ષરપુરુષોતમ મંદિર, સાળંગપુર
7. સ્વામિનારાયણ મંદિર, બોટાદ
8. સ્વામિનારાયણ મંદિર, ગઢડા
9. હરિકૃષ્ણ મહારાજનું મંદિર, સરવઈ
10. કુષ્ણસાગર તળાવ
11. તાજિયો
12. સંત રોહીદાસ મંદિર, નાના ભડલા
13. ભીમનાથ મહાદેવ મંદીર, ભીમનાથ

રાજકારણ

વિધાનસભા બેઠકો

મત બેઠક ક્રમાંક	બેઠક	ધારાસભ્ય	પક્ષ		નોંધ
૧૦૬	ગઢડા (SC)	મહંત ટુંડિયા		ભાજપ
૧૦૭	બોટાદ	ઉમેશભાઇ મકવાણા		આપ

બાહ્ય કડીઓ

• બોટાદ જિલ્લા પંચાયતની વેબસાઇટ સંગ્રહિત ૨૦૨૦-૧૧-૧૪ ના રોજ વેબેક મશિન