કાવેરી નદી (દક્ષિણ ગુજરાત)

કાવેરી નદી
સ્થાન
જિલ્લો	નવસારી, સુરત
રાજ્ય	ગુજરાત
દેશ	ભારત
કાંઠાની લાક્ષણિકતાઓ
મુખ્ય નદી	અંબિકા નદી
બંધ	જૂજ ગામ

કાવેરી નદી એ ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં આવેલા નવસારી જિલ્લામાંથી વહે છે. જો કે આ નદીનો કેટલોક ભાગ સુરત જિલ્લામાં થઈને પણ પસાર થાય છે. મહારાષ્ટ્ર રાજ્ય સાથેની ગુજરાત રાજ્યના સરહદી વિસ્તારમાં વાંસદા તાલુકામાં આવેલ ટેકરીઓમાંથી નીકળતી આ નદી અંબિકા નદીની ઉપનદીઓ પૈકીની એક છે. આ નદી બીલીમોરા નજીક અંબિકા નદીમાં મળી જાય છે.

આ નદી પર જૂજ ગામ નજીક બંધ બાંધવામાં આવ્યો છે. આ બંધ વાંસદા તેમ જ મહુવા તાલુકામાં સિંચાઈનો અગત્યનો સ્ત્રોત છે. કાવેરો નદી આ નદીની ઉપનદી છે, જેનો સંગમ અનાવલ ખાતે શુકલેશ્વર મહાદેવ મંદિર પાસે આ નદીમાં થાય છે.

કાવેરી નદીના કાંઠા પર આવેલાં ગામો

• અનાવલ
• પ્રતાપનગર
• ચિખલી
• ઉંડાચ
• ભિનાર
• જૂજ
• વાંસદા