સાબરમતી નદી

વિકિપીડિયામાંથી
(સાબરમતી થી અહીં વાળેલું)
આના પર જાવ: ભ્રમણ, શોધો
સાબરમતી નદી (સાબરમતી નદી)
River
સાબરમતી નદી, ૧૮૯૦
Country  India
States ગુજરાત, રાજસ્થાન
Tributaries
 - left વાકલ નદી, સેઇ નદી, હરણાવ નદી, હાથમતી નદી, વર્તક નદી, મધુમતી નદી
Cities અમદાવાદ, ગાંધીનગર
Source ઢેબર તળાવ, રાજસ્થાન
 - location અરવલ્લી, ઉદયપુર જિલ્લો, રાજસ્થાન,  India
 - elevation ૭૮૨ m (૨,૫૬૬ ft)
Length ૩૭૧ km (૨૩૧ mi)
Discharge
 - average ૧૨૦ m3/s (૪,૨૩૮ cu ft/s) [૧]
Discharge elsewhere (average)
 - અમદાવાદ ૩૩ m3/s (૧,૧૬૫ cu ft/s) [૨]

સાબરમતી પશ્ચિમ ભારતમાં આવેલી નદી છે. તેનું ઉદ્‌ગમ સ્થાન રાજસ્થાન રાજ્યના ઉદયપુર જિલ્લામાં અરવલ્લીની પર્વતમાળામાં છે. શરૂઆતના ભાગમાં તેનું નામ વાંકળ છે. સાબરમતી નદીનો મોટો ભાગ ગુજરાતમાંથી વહે છે અને ખંભાતના અખાત થકી અરબી સમુદ્રમાં ભળી જાય છે. નદીની કૂલ લંબાઇ ૩૭૧ કી.મી. છે અને કૂલ સ્‍ત્રાવક્ષેત્ર ૨૧,૬૭૪ ચો.કિ.મી. છે. સેઇ, સીરી અને ધામની સાબરમતી નદીના જમણા કાંઠાની શાખાઓ છે. વાકલ, હરણાવ, હાથમતી, ખારી, વાત્રક, ડાબા કાંઠાની શાખાઓ છે[૩].

અમદાવાદ અને ગાંધીનગર, અનુક્રમે ગુજરાતના વ્યાપારી તથા રાજકીય પાટનગરો સાબરમતી નદીને કાંઠે વસેલા છે. લોકવાયકા પ્રમાણે ઇ.સ. ૧૪૧૧ ગુજરાતના સુલતાન અહમદશાહને સાબરમતી નદીને કાંઠે એક નીડર સસલાને શિકારી કુતરું ભગાડતા જોઇ અમદાવાદ શહેર વસાવવાની પ્રેરણા મળી હતી.

ભારતની આઝાદીની ચળવળ દરમ્યાન મહાત્મા ગાંધીએ આ નદીને કિનારે સાબરમતી આશ્રમ સ્થાપ્યો હતો, જે મહાત્મા ગાંધીનું ઘર તેમજ સમગ્ર સ્વાતંત્ર્ય ચળવળનું કેન્દ્ર બની રહ્યો.

ધોળકા તાલુકાના વૌઠા ગામ પાસે સાબરમતી નદી અને અન્ય નદીઓનો સંગમ થાય છે. દર વર્ષે ત્યાં ખૂબ જ મોટો અને પ્રસિધ્ધ મેળો ભરાય છે, જ્યાં ગુજરાતની ગ્રામ્ય સંસ્કૃતિનાં દર્શન થાય છે. આ ભાતીગળ મેળો માણવા વિદેશીઓ પણ આવે છે.

સાબરમતી નદી પર આવેલા બંધો[ફેરફાર કરો]

સાબરમતી નદી પર નીચેના મુખ્ય બંધો આવેલા છે:

  • સેઇ બંધ
  • હરણાવ બંધ
  • હાથમતી બંધ
  • ગુહાઇ બંધ
  • વર્તક બંધ (પ્રોજેક્ટ)
  • કલ્પસર બંધ (પ્રોજેક્ટ)

ધરોઇ બંધ[ફેરફાર કરો]

સાબરમતી નદી પર તેના ઉદ્‌ગમ સ્થાનથી ૮૦ કિ.મી.નાં અંતરે અને અમદાવાદથી ૧૬૫ કિમી દૂર મહેસાણા જિલ્લામાં ધરોઇ ગામમાં ધરોઇ બંધ બાંધવામાં આવેલો છે. આ બંધનો સ્‍ત્રાવક્ષેત્ર ૫,૪૭૫ ચો.કિ.મી. છે અને તેનાથી ૨૦૨ કિ.મી.નાં અંતરે વાસણા બેરેજ છે, જેનો સ્‍ત્રાવક્ષેત્ર ૧૦,૬૧૯ ચો.કિ.મી. છે [૩]. આ બંધનું બાંધકામ ૧૯૭૮માં કરવામાં આવ્યું હતું. બંધનો સ્ત્રાવક્ષેત્રમાંથી ૨,૬૪૦ ચો.કિમી ગુજરાત રાજ્યને ભાગે આવે છે.

ચિત્રો[ફેરફાર કરો]

સાબરમતી નદીમાં પાણીના ગાડાઓ, ૧૮૯૦નો દાયકો 
સાબરમતી રિવર ફ્રન્ટ પ્રૉજેક્ટ હેઠળ સાબરમતી નદીને કાંઠે ચાલી રહેલું બાંધકામ 
સાબરમતી રિવર ફ્રન્ટ પ્રૉજેક્ટ હેઠળ સાબરમતી નદીને કાંઠે ચાલી રહેલું બાંધકામ 
સાબરમતી નદી, અમદાવાદ 
સાબરમતી નદીની સહાયક નદી, હરણાવ નદી

સંદર્ભ[ફેરફાર કરો]

  1. Kumar, Rakesh; Singh, R.D.; Sharma, K.D. (10 September 2005). "Water Resources of India". Current Science (Bangalore: Current Science Association) 89 (5): 794–811. http://www.currentscience.ac.in/Downloads/article_id_089_05_0794_0811_0.pdf. Retrieved 13 October 2013. 
  2. "Sabarmati Basin Station: Ahmedabad". UNH/GRDC. Archived from the original on 4 October 2013. 
  3. ૩.૦ ૩.૧ "સાબરમતી નદી". સરકારી. નર્મદા, જળ સંપત્તિ, પાણી પુરવઠા અને કલ્પસર વિભાગ. Archived from the original on ૩૧ ઓકટોબર ૨૦૧૪. Retrieved ૩૧ ઓકટોબર ૨૦૧૪. 

બાહ્ય કડીઓ[ફેરફાર કરો]