જુલાઇ ૬

૬ જુલાઇનો દિવસ ગ્રેગોરીયન પંચાંગ મુજબ વર્ષનો ૧૮૭મો (લિપ વર્ષ દરમ્યાન ૧૮૮મો) દિવસ છે. આ દિવસ પછી વર્ષ પુરું થવામાં ૧૭૮ દિવસ બાકી રહે છે.

મહત્વની ઘટનાઓ

• ૧૮૯૨ – દાદાભાઈ નવરોજી, બ્રિટનની સંસદમાં ચુંટાયેલા પ્રથમ ભારતીય સભ્ય બન્યા.
• ૧૯૪૭ – સોવિયેત યુનિયનમાં એ.કે.-૪૭ રાઇફલનું ઉત્પાદન શરૂ કરાયું.
• ૧૯૬૪ – મલાવીએ યુનાઇટેડ કિંગડમથી સ્વતંત્રતાની ઘોષણા કરી.
• ૧૯૭૫ – કોમોરોસે ફ્રાન્સથી સ્વતંત્રતાની ઘોષણા કરી.
• ૨૦૦૬ – ભારત અને ચીન વચ્ચેનો નાથુલા ઘાટ, જે ભારત-ચીન યુદ્ધ સમયથી બંધ કરાયો હતો તે ૪૪ વર્ષ પછી વ્યાપાર માટે ફરી ખુલ્લો કરાયો.

જન્મ

• ૧૮૩૭ – આર.જી. ભંડારકર, ભારતીય પ્રાચ્યવાદી અને વિદ્વાન (અ. ૧૯૨૫)
• ૧૯૦૧ – શ્યામાપ્રસાદ મુખરજી, ભારતીય રાજકારણી, બેરિસ્ટર અને શિક્ષણવિદ, જેમણે વડા પ્રધાન જવાહરલાલ નહેરુના મંત્રીમંડળમાં ઉદ્યોગ અને પુરવઠા મંત્રી તરીકે સેવા આપી હતી.
• ૧૯૦૫ – જીવરામ જોષી, ગુજરાતી બાળસાહિત્યકાર. (અ. ૨૦૦૪)
• ૧૯૨૪ – મહિમ બોરા, ભારતીય લેખક અને શિક્ષણવિદ (અ. ૨૦૧૬)
• ૧૯૩૫ – તેનજીન ગ્યાત્સો, ૧૪મા દલાઈ લામા.
• ૧૯૮૫ – રણવીર સિંહ, ભારતીય ફિલ્મ અભિનેતા.

અવસાન

• ૧૯૮૬ – જગજીવન રામ, ભારતીય વકીલ અને રાજકારણી, ભારતના ૪થા નાયબ વડા પ્રધાન (જ. ૧૯૦૮)
• ૧૯૯૧ – અનવર મહમદભાઈ આગેવાન, ગુજરાતી લેખક. (જ. ૧૯૩૬)
• ૧૯૯૭ – ચેતન આનંદ, ભારતીય દિગ્દર્શક, નિર્માતા અને પટકથા લેખક (જ. ૧૯૨૧)
• ૨૦૦૨ – ધીરુભાઈ અંબાણી, ભારતીય ઉદ્યોગપતિ (જ. ૧૯૩૨)
• ૨૦૧૮ – અમૃતલાલ વેગડ, ગુજરાતી અને હિંદી ભાષાના લેખક અને ચિત્રકાર. (જ. ૧૯૨૮)

બાહ્ય કડીઓ

• બી.બી.સી.(BBC): આજનો દિવસ

---