સપ્ટેમ્બર ૮

૮ સપ્ટેમ્બરનો દિવસ ગ્રેગોરીયન પંચાંગ મુજબ વર્ષનો ૨૫૧મો (લિપ વર્ષ દરમ્યાન ૨૫૨મો) દિવસ છે. આ દિવસ પછી વર્ષ પુરું થવામાં ૧૧૪ દિવસ બાકી રહે છે.

મહત્વની ઘટનાઓ

• ૧૫૦૪ – પ્રખ્યાત મૂર્તિકાર માઈકલ એન્જેલોની અમર કૃતિ ‘ડેવિડ’નું ફ્લોરેન્સ શહેરમાં અનાવરણ કરાયું.
• ૧૮૪૦ – ભાવનગર રજવાડાએ પોતાનું ચલણ ખતમ કરીને 'ઇમ્પેરીયલ રૂપીયો' (રાણીછાપ સિક્કા)ને પોતાનું ચલણ બનાવ્યું.
• ૧૯૪૬ – બલ્ગેરિયામાં જનમત સંગ્રહ દ્વારા રાજાશાહીને નાબૂદ કરવામાં આવી.
• ૧૯૬૭ – યુગાન્ડામાં નવું બંધારણ લાગુ થયું.

જન્મ

• ૧૮૮૭ – સ્વામી આનંદ, ગુજરાતી સાહિત્યકાર (અ. ૧૯૭૬)
• ૧૯૨૬ – ભુપેન હજારિકા, ભારતીય ગાયક-ગીતકાર, કવિ અને દિગ્દર્શક (અ. ૨૦૧૧)
• ૧૯૩૩ – આશા ભોંસલે, ભારતીય ગાયક

અવસાન

• ૧૯૬૦ – ફિરોઝ ગાંધી, ભારતીય રાજકારણી અને પત્રકાર (જ. ૧૯૧૨)
• ૧૯૮૧ – હિડેકી યુકાવા, જાપાનિઝ સૈદ્ધાંતિક ભૌતિકશાસ્ત્રી (જ. ૧૯૦૭)

તહેવારો અને ઉજવણીઓ

• વિશ્વ સાક્ષરતા દિન
• વિશ્વ શારીરિક ચિકિત્સા દિવસ

બાહ્ય કડીઓ

• બી.બી.સી.(BBC): આજનો દિવસ

---