જુલાઇ ૨૭

૨૭ જુલાઇનો દિવસ ગ્રેગોરીયન પંચાંગ મુજબ વર્ષનો ૨૦૮મો (લિપ વર્ષ દરમ્યાન ૨૦૯મો) દિવસ છે. આ દિવસ પછી વર્ષ પુરું થવામાં ૧૫૭ દિવસ બાકી રહે છે.

મહત્વની ઘટનાઓ

• ૧૮૬૬ - એટલાન્ટિક કેબલ સફળતાપૂર્વક પથરાયો, જેના દ્વારા પ્રથમ વખત એટલાન્ટિક પાર તાર સંદેશાવ્યવહાર પ્રસ્થાપિત થયો.
• ૧૮૯૦ – વિન્સેન્ટ વેન ગોને રિવોલ્વર દ્વારા પોતાની જાતને છાતીમાં ગોળી મારી, બે દિવસ બાદ મૃત્યુ પામ્યા.
• ૧૯૨૧ – બાયોકેમિસ્ટ ફ્રેડરિક બેન્ટિંગની આગેવાની હેઠળના યુનિવર્સિટી ઓફ ટોરોન્ટોના સંશોધકોએ સાબિત કર્યું કે ઇન્સ્યુલિન અંતસ્ત્રાવ લોહીમાં શર્કરના પ્રમાણને નિયંત્રિત કરે છે.
• ૧૯૨૯ – યુદ્ધકેદીઓની સારવાર સંબંધિત ૧૯૨૯ના જિનેવા સંમેલન પર ૫૩ દેશોએ હસ્તાક્ષર કર્યા.

જન્મ

• ૧૮૯૦ – રામલાલ ચુનીલાલ મોદી, ગુજરાતી લેખક, સંશોધક, સમીક્ષક અને ઇતિહાસકાર (અ. ૧૯૪૯)
• ૧૯૧૩ – કલ્પના દત્ત, ભારતીય સ્વતંત્રતા ચળવળના કાર્યકર (અ. ૧૯૯૫)
• ૧૯૧૪ – પિંગળશી બ્રહ્માનંદ ગઢવી, ગુજરાતી લોક ગાયક અને લોકસાહિત્યકાર (અ. ૧૯૯૮)
• ૧૯૬૦ – ઉદ્ધવ ઠાકરે, ભારતીય રાજકારણી
• ૧૯૬૭ – રાહુલ બોસ, ભારતીય અભિનેતા, પટકથા લેખક, દિગ્દર્શક, સામાજિક કાર્યકર

અવસાન

• ૧૯૬૨ – પુનિત મહારાજ, ગુજરાતના સંત અને ભજનિક, જનકલ્યાણ માસિકના સ્થાપક (જ. ૧૯૦૮)
• ૧૯૯૨ – અમજદ ખાન, ભારતીય ચલચિત્ર અભિનેતા (જ.૧૯૪૦)
• ૨૦૧૫ – ડૉ. એ.પી.જે. અબ્દુલ કલામ, ભારતના ભૂતપૂર્વ રાષ્ટ્રપતિ અને વૈજ્ઞાનિક (જ.૧૯૩૧)

બાહ્ય કડીઓ

• બી.બી.સી.(BBC): આજનો દિવસ

---