નવેમ્બર ૯

૯ નવેમ્બર નો દિવસ ગ્રેગોરીયન પંચાંગ મુજબ વર્ષનો ૩૧૩મો (લિપ વર્ષ દરમ્યાન ૩૧૪મો) દિવસ છે. આ દિવસ પછી વર્ષ પુરું થવામાં ૫૨ દિવસ બાકી રહે છે.

મહત્વની ઘટનાઓ

• ૧૯૦૦ – રશિયાએ ૧,૦૦,૦૦૦ સૈનિકો સાથે મંચુરિયા પર કબજો જમાવ્યો.
• ૧૯૦૬ – થિયોડોર રૂઝવેલ્ટ દેશની બહાર સત્તાવાર પ્રવાસ કરનારા અમેરિકાના પ્રથમ સત્તાધીન રાષ્ટ્રપતિ બન્યા. તેમણે પનામા નહેર પર પ્રગતિનું નિરીક્ષણ કરવા માટે આ પ્રવાસ કર્યો હતો.
• ૧૯૦૭ – કલિનન હીરો રાજા એડવર્ડ સાતમાને તેમના જન્મદિવસે પ્રસ્તુત કરવામાં આવ્યો.
• ૧૯૫૩ – કમ્બોડિયાએ ફ્રાન્સથી સ્વતંત્રતા મેળવી.
• ૨૦૦૪ – ઉત્તરાખંડ સત્તાવાર રીતે ભારતનું ૨૭મું રાજ્ય બન્યું. ઉત્તર-પશ્ચિમ ઉત્તર પ્રદેશના તેર જિલ્લાઓમાંથી તેની રચના કરવામાં આવી હતી.
• ૨૦૦૪ – ફાયરફોક્સ નું પ્રથમ સંસ્કરણ રજૂ કરવામાં આવ્યું.

જન્મ

• ૧૮૬૭ – શ્રીમદ્ રાજચંદ્ર, જૈન સાધુ અને ગાંધીજીના આધ્યાત્મિક ગુરૂ (અ. ૧૯૦૧)
• ૧૮૭૭ – મોહમ્મદ ઇકબાલ, પાકિસ્તાની ફિલસૂફ, કવિ અને રાજકારણી (અ. ૧૯૩૮)
• ૧૯૨૮ – જ્યોતિષ જાનિ, ગુજરાતી કવિ, વાર્તાકાર અને નવલકથાકાર (અ. ૨૦૦૫)
• ૧૯૪૯ – મણિલાલ હ. પટેલ, કવિ, નિબંધકાર, નવલકથાકાર, વિવેચક

અવસાન

• ૧૯૬૨ – ધોન્ડો કેશવ કર્વે, ભારતીય સમાજ સુધારક અને ભારત રત્ન. (જ. ૧૮૫૮)
• ૧૯૬૭ – કૃષ્ણા હઠીસિંગ, ભારતીય લેખક, જવાહરલાલ નેહરુ અને વિજયાલક્ષ્મી પંડિતના સૌથી નાના બહેન (જ. ૧૯૦૭)
• ૧૯૭૭ – એમ. સી. દાવર, સ્વતંત્રતા સેનાની. (જ. ૧૯૧૩)
• ૨૦૦૩ – પુષ્પલતા દાસ, ભારતીય સ્વતંત્રતા સેનાની, સમાજસેવક, ગાંધીવાદી. (જ. ૧૯૧૫)
• ૨૦૦૫ – કે. આર. નારાયણન, ભારતીય પત્રકાર અને રાજકારણી, ભારતના ૧૦મા રાષ્ટ્રપતિ (જ. ૧૯૨૧)
• ૨૦૧૧ – ડૉ. હરગોવિંદ ખુરાના, ભારતીય વૈજ્ઞાનિક. (જ. ૧૯૨૨)
• ૨૦૨૦ – ફાધર વાલેસ, ગુજરાતી સાહિત્યકાર (જ. ૧૯૨૫)

તહેવારો અને ઉજવણીઓ

• ઉત્તરાખંડ દિવસ

બાહ્ય કડીઓ

• બી.બી.સી.(BBC): આજનો દિવસ

---