જૂન ૨

૨ જૂનનો દિવસ ગ્રેગોરીયન પંચાંગ મુજબ વર્ષનો ૧૫૩મો (લિપ વર્ષ દરમ્યાન ૧૫૪મો) દિવસ છે. આ દિવસ પછી વર્ષ પુરું થવામાં ૨૧૨ દિવસ બાકી રહે છે.

મહત્વની ઘટનાઓ

• ૧૮૯૬ – ગુગ્લિએલ્મો માર્કોનીએ તેના વાયરલેસ ટેલિગ્રાફ માટે પેટન્ટ માટે અરજી કરી.
• ૧૯૦૯ – આલ્ફ્રેડ ડેકિન ત્રીજી વખત ઓસ્ટ્રેલિયાના વડા પ્રધાન બન્યા.
• ૧૯૧૦ – રોલ્સ રોયસ લિમિટેડના સહ-સ્થાપક ચાર્લ્સ રોલ્સ વિમાન દ્વારા ઇંગ્લિશ ચેનલનું નોન સ્ટોપ ડબલ ક્રોસિંગ બનાવનાર પ્રથમ વ્યક્તિ બન્યા છે.
• ૧૯૫૩ – એલિઝાબેથ દ્વિતીયની લંડનના વેસ્ટમિન્સ્ટર એબીમાં તાજપોશી કરવામાં આવી.
• ૧૯૫૫ – સોવિયેત યુનિયન અને યુગોસ્લાવિયાએ બેલગ્રેડ ઘોષણાપત્ર પર હસ્તાક્ષર કરી ૧૯૪૮થી વણસેલા પારસ્પરિક સંબંધોને ફરી શરૂ કર્યા.
• ૧૯૬૪ – પેલેસ્ટાઈન મુક્તિ સંગઠન Palestine Liberation Organizationની રચના કરવામાં આવી.
• ૧૯૯૯ – "ભૂતાન પ્રસારણ સેવા" દ્વારા ભૂતાનમાં પ્રથમ વખત ટેલિવિઝન પ્રસારણ કરાયું.
• ૨૦૦૩ – યુરોપે અન્ય ગ્રહ, મંગળ, ની પ્રથમ યાત્રા શરૂ કરી. 'કઝાખસ્તાન'નાં 'બૈકાનુર' અવકાશ મથકેથી 'યુરોપિયન અવકાશ સંસ્થા'નાં "માર્સ એક્સપ્રેસ" નામક યાનનું પ્રક્ષેપણ કરાયું.
• ૨૦૧૪ – તેલંગાણા સત્તાવાર રીતે ભારતનું ૨૯મું રાજ્ય બન્યું, જે ઉત્તર-પશ્ચિમ આંધ્ર પ્રદેશના દસ જિલ્લાઓમાંથી રચાયું છે.

જન્મ

• ૧૯૨૯ – ચીમનલાલ ત્રિવેદી, ગુજરાતી ભાષાના વિવેચક અને સંપાદક. (અ. ૨૦૧૫)
• ૧૯૪૩ – ઇલીયારાજા (Ilaiyaraaja), ભારતીય સંગીતકાર
• ૧૯૪૩ - દિવાળીબેન ભીલ ગુજરાતની કોયલ તરીકે જાણીતા લોકગાયિકા અને પાર્શ્વગાયિકા. (અ. ૨૦૧૬)
• ૧૯૫૫ – નંદન નિલેકણી, (Nandan Nilekani), ભારતીય ઉદ્યોગસાહસિક અને ઇન્ફોસિસના સહ-સ્થાપક.
• ૧૯૫૬ – મણિરત્નમ (Mani Ratnam), ભારતીય ફિલ્મ દિગ્દર્શક, નિર્માતા અને પટકથા લેખક.

અવસાન

• ૧૯૮૮ – રાજ કપૂર, ભારતીય ફિલ્મ અભિનેતા, નિર્માતા અને હિન્દી સિનેમાના નિર્દેશક. (જ. ૧૯૨૪)
• ૧૯૯૦ – શ્રીરામ શર્મા આચાર્ય, અખિલ વિશ્વ ગાયત્રી પરિવારના સ્થાપક.
• ૨૦૧૫ – ઈરવિન રોઝ, ૨૦૦૪નું રસાયણશાસ્ત્રનો નોબલ પુરસ્કાર જીતનાર અમેરિકન જીવવિજ્ઞાની. (જ. ૧૯૨૬)

તહેવારો અને ઉજવણીઓ

• તેલંગાણા સ્થાપના દિવસ, (Telangana Formation Day)

બાહ્ય કડીઓ

• બી.બી.સી.(BBC): આજનો દિવસ

---