ઓગસ્ટ ૨૩

૨૩ ઓગસ્ટનો દિવસ ગ્રેગોરીયન પંચાંગ મુજબ વર્ષનો ૨૩૫મો (લિપ વર્ષ દરમ્યાન ૨૩૬મો) દિવસ છે. આ દિવસ પછી વર્ષ પુરું થવામાં ૧૩૦ દિવસ બાકી રહે છે.

મહત્વની ઘટનાઓ

• ૭૯ – માઉન્ટ વિસુવિયસ જવાળામુખી સક્રિય બન્યો, યોગાનુયોગ આ દિવસ આગના રોમન દેવતા 'વલ્કન' (અગ્નિદેવ) માટેના ઉપવાસનો દિવસ હતો.
• ૧૯૦૪ – ઓટોમોબાઇલ ટાયર ચેઇન (બરફમાંથી વાહન ચલાવતી વખતે મહત્તમ ઘર્ષણ પ્રદાન કરવા માટે વાહનોના ટાયર પર ફિટ કરેલા સાંકળ જેવા ઉપકરણો) માટેના પેટન્ટ અધિકારો પ્રદાન કરવામાં આવ્યા.
• ૧૯૬૬ – 'લુનાર ઓરબિટર ૧' દ્વારા, ચંદ્રની ભ્રમણકક્ષામાંથી, પૃથ્વીનું પ્રથમ ચિત્ર લેવાયું.
• ૧૯૯૦ – સદ્દામ હુસૈન ખાડી યુદ્ધને રોકવાના પ્રયાસના ભાગરૂપે ઇરાકી સરકારી ટેલિવિઝન પર સંખ્યાબંધ પશ્ચિમી "મહેમાનો" (બંધકો) સાથે નજરે પડ્યા.
• ૧૯૯૦ – આર્મેનિયાએ સોવિયેત યુનિયનથી સ્વતંત્રતાની ઘોષણા કરી.
• ૧૯૯૦ – પશ્ચિમ અને પૂર્વ જર્મનીએ બન્ને દેશોના પુનર્ગઠનની ઘોષણા કરી.
• ૧૯૯૧ – વર્લ્ડ વાઈડ વેબની સેવા જાહેર જનતા માટે ખુલ્લી મુકવામાં આવી.
• ૨૦૧૧ - લિબિયાના ગૃહયુદ્ધ દરમિયાન રાષ્ટ્રીય સંક્રમણ પરિષદના દળોએ બબ–અલ–અઝીઝિયા પર કબજો મેળવ્યા બાદ લિબિયાના નેતા મુઅમ્મર ગદ્દાફીને સત્તા પરથી ઉથલાવી દેવામાં આવ્યા.

જન્મ

• ૧૮૫૨ – રાધા ગોવિંદ કર, (Radha Gobinda Kar) ભારતીય ચિકિત્સક અને પરોપકારી (અ. ૧૯૧૮)
• ૧૮૭૨ – ટંગટૂરી પ્રકાશમ, (Tanguturi Prakasam) ભારતીય વકીલ અને રાજકારણી, આંધ્ર પ્રદેશના પ્રથમ મુખ્યમંત્રી (અ. ૧૯૫૭)
• ૧૮૮૮ – હરિલાલ ગાંધી, મહાત્મા ગાંધી અને કસ્તુરબાના સૌથી મોટા પુત્ર (અ. ૧૯૪૮)
• ૧૯૪૪ – પ્રવીણ દરજી, ગુજરાતી કવિ, વિવેચક, સંપાદક
• ૧૯૭૩ – મલ્લિકા અરોરા, ભારતીય અભિનેત્રી અને મોડેલ
• ૧૯૭૮ – અશોક ચાવડા, ગુજરાતી કવિ, લેખક અને વિવેચક

અવસાન

• ૧૮૭૩ – રણછોડદાસ ઝવેરી, નૂતન શિક્ષણનાં પ્રણેતા અને કેળવણીકાર (જ. ૧૮૦૩)

તહેવારો અને ઉજવણીઓ

• આંતરરાષ્ટ્રીય ગુલામ વ્યાપાર અને તેના અંતની યાદગીરીનો દિવસ

બાહ્ય કડીઓ

• બી.બી.સી.(BBC): આજનો દિવસ

---