જાન્યુઆરી ૬

૬ જાન્યુઆરી નો દિવસ ગ્રેગોરીયન પંચાંગ મુજબ વર્ષનો છઠ્ઠો (લિપ વર્ષ દરમ્યાન પણ છઠ્ઠો ) દિવસ છે. આ દિવસ પછી વર્ષ પુરું થવામાં ૩૫૯ દિવસ બાકી રહે છે.

મહત્વની ઘટનાઓ

• ૧૯૦૭ – મારિયા મોન્ટેસરીએ ઇટાલીના રોમમાં કામગાર વર્ગના બાળકો માટે પોતાનું પ્રથમ શાળા અને શિશુ દેખભાળ કેન્દ્ર (ડેકેર સેન્ટર) ખોલ્યું.
• ૧૯૧૨ – ન્યૂ મેક્સિકોને ૪૭મા યુ.એસ. રાજ્ય તરીકે સંઘમાં દાખલ કરવામાં આવ્યું.
• ૧૯૧૨ – જર્મન ભૂભૌતિકશાસ્ત્રી આલ્ફ્રેડ વેજેનરે સૌ પ્રથમ મહાદ્વિપીય વિસ્થાપન (Continental drift) તેમનો સિદ્ધાંત રજૂ કર્યો.
• ૧૯૨૯ – મધર ટેરેસા દરિયાઈ માર્ગે કલકત્તા પહોંચ્યા.
• ૧૯૪૬ – વિયેતનામમાં પ્રથમ સામાન્ય ચૂંટણી યોજાઈ.
• ૧૯૮૯ – પ્રધાનમંત્રી ઈન્દિરા ગાંધીની હત્યાનું ષડયંત્ર રચવા બદલ સતવંત સિંહ અને કેહર સિંહને ફાંસીની સજા ફટકારવામાં આવી; બંનેને તે જ દિવસે ફાંસી આપવામાં આવી.

જન્મ

• ૧૮૮૩ – ખલીલ જિબ્રાન, લેબેનોનના લેખક, કવિ અને કલાકાર (અ. ૧૯૩૧)
• ૧૯૪૯ – બાના સિંઘ, પરમવીર ચક્ર વિજેતા નિવૃત ભારતીય સૈનિક
• ૧૯૫૯ – કપિલ દેવ, ભારતીય ક્રિકેટર
• ૧૯૬૭ – એ. આર. રહેમાન, ભારતીય સંગીતકાર, ગાયક-ગીતકાર, સંગીત નિર્માતા

અવસાન

• ૧૮૪૭ – ત્યાગરાજ, ભક્તિમાર્ગી કવિ, કર્ણાટક સંગીતના મહાન સંગીતજ્ઞ (જ. ૧૭૬૭)
• ૧૮૫૨ – લૂઈ બ્રેઈલ, ફ્રાન્સના શિક્ષણશાસ્ત્રી અને સંશોધક, "બ્રેઈલ લિપિ"ના શોધક (જ. ૧૮૦૯)
• ૧૮૮૫ – ભારતેન્દુ હરિશ્ચંદ્ર, ભારતીય લેખક, કવિ અને નાટ્યકાર (જ. ૧૮૫૦)
• ૧૯૭૧ – પી.સી.સરકાર, ભારતના મશહૂર જાદુગર (જ. ૧૯૧૩)
• ૧૯૯૧ – સ્નેહરશ્મિ (ઝીણાભાઈ રતનજી દેસાઈ), ગુજરાતી સાહિત્યકાર (જ. ૧૯૦૩)
• ૨૦૦૮ – પી.કે.સેઠી, જયપુર ફૂટના પ્રણેતા (જ. ૧૯૨૭)
• ૨૦૧૬ – લાભશંકર ઠાકર, ગુજરાતી સાહિત્યકાર (જ. ૧૯૩૫)
• ૨૦૧૭ – ઓમ પુરી, ભારતીય અભિનેતા (જ. ૧૯૫૦)

બાહ્ય કડીઓ

• બી.બી.સી.(BBC): આજનો દિવસ

---